Nokia បង្ហាញ Asha ស៊ីមពីរ ពីរម៉ូដែល

ថី្មៗនេះក្រុមហ៊ុន Nokia បានបង្ហាញទូរស័ព្ទអាចប្រើស៊ីមកាត

បានពីរក្នុងពេលតែមួយរបស់ខ្លួន ចំនួន ២ស៊េរីទៀតរួមមាន Nokia Asha 205 និង Nokia Asha 206 ត្រូវបាន Nokia ប្រកាសចេញជាផ្លូវការហើយ កាលពីចុងសប្ដាហ៍នេះ ។

*Asha 205 និងAsha 206 មានអេក្រង់ពណ៌ធម្មជាតិទំហំ ២,៤អ៊ីញ 320x240px និងអង្គចងចាំក្នុងម៉ាស៊ីនទំហំ 64MB ដូចគ្នា ព្រមទាំងអាចបន្ថែម memory card បានដល់ទៅ 32GB។

*ចំពោះAsha 205 ជាប្រភេទទូរស័ព្ទដៃដែលមានគ្រាប់ចុង (ប៊ូតុង) ជា QWERTY ប៉ុន្តែមានកាមេរ៉ាអាចចាប់យកទាំងរូបភាព និងវីដេអូបាន ទំហំ 0.3MP ខណៈដែលAsha 206 មានគ្រាប់ចុង (ប៊ូតុង) ធម្មតា មានកាមេរ៉ារហូតដល់ទៅ 1.3MP។

*ចំពោះថាមពលថ្ម Asha 205 ប្រសិនបើដាក់ស៊ីមប្រើតែ ១ នោះអាចកាន់ថ្មបានរហូតដល់ទៅ ៣៧ថ្ងៃ តែប្រសិនបើដាក់ស៊ីមពីរ ថ្មកាន់បានតែ ២៥ថ្ងៃ ប៉ុណ្ណោះ ។ រីង Asha 206 វិញប្រសិនបើដាក់ស៊ីមប្រើតែ ១ នោះអាចកាន់ថ្មបានតែ ២៨ថ្ងៃតែប៉ុណ្ណោះ តែប្រសិនបើដាក់ស៊ីម 2 ថ្មកាន់បានរហូតដល់ ៤៧ថ្ងៃ។

*ចំណុចលេចធ្លោរបស់ទូរស័ព្ទដៃទាំងពីរគឺ មានប៊ូតុង facebook មួយដាច់ដោយឡែកសម្រាប់ឲ្យអ្នកប្រើប្រាស់ទាំងអស់អាចបើកលេងបណ្ដាញសង្គមមួយនេះបានលឿន។

*Nokia បានរចនាAsha 206 មកបីពណ៌រួមមាន ពណ៌ផ្ទៃមេឃ ពណ៌ផ្កាឈូក ពណ៌ខ្មៅ និងពណ៌លឿង។ ដោយឡែកពណ៌ទឹកប្រាក់ ពណ៌ខ្មៅ និងពណ៌ផ្កាឈូកស្រាល ជាជម្រើសដែលអ្នកត្រូវពិចារណាលើAsha 205។